यादहरू (कविता)
- चतुर्भुज गौतम ‘निर्मल श्री’
कल्पना !
सम्झना ! !
भावना ! ! !
र मनभित्रका
आल्हादित प्रेमका
समर्पणहरु
यादहरु
अत्यन्तै सुन्दर हुन्छन्
चीर स्थायी हुन्छन्
सँधैं सँधैंका लागि
स्मरणीय हुन्छन्
कहिल्यै
बिर्सन सकिँदैन
तिमीसँगका कल्पना
सम्झना र
कहिले नमेटिने
ति यादहरुलाई...........
.
.
.
चाहे !
हज्जारौं ! !
झ्याल र ढोकाहरु बन्द गर
चाहे !
हतकडी लगाऊ
चाहे !
विचारहरुमाथि
लगाम लगाऊ
चाहे !
शिशमहलभित्र थुनेर राखिदेऊ
तर
कसैगरी पनि रोकिने छैनन्
हावाको भोक्का
भन्दापनि
तिब्रताका साथ आईरहनेछन्
तिमीसँगकै समर्पणहरु,
तिमीसँगकै कल्पनाहरु,
तिमीसँगै बिताईएका
र बिताइने
यी चीर स्मरणीय यादहरु ..........
.
टीकापुर, कैलाली
हाल : काठमाडौं
.
.
No comments:
Post a Comment