हाइकु
–शङ्कर गिरी
आफ्नै रडाको
कुम्लो बोकी ठिमी भो
साझा सवाल ।
तुषारापात
हजारौं सपनामा
तिमी चिप्लिँदा ।
जस्तै लाग्दछ
हाड नभा’को जिब्रो
तिम्रो आवाज ।
खुनका धारा
बालुवामा पानी
सङ्घर्ष धेरै ।
पर्वत
हाइकु
–सौगात सङ्घर्ष
हरायौ तिमी
भेटियो होला अर्कै
चट्ट परेको ।
जून हेरेर
भोक मार्न सकिन्न
बिहे गरे’सि ।
झर्छ नि फूल
समय आएपछि
माया झर्दैन ।
सम्झना पनि
आइरहन्छ धेरै
तिम्रो र मेरै ।
तिमीले देख्यौ
आज बन्द कोठामा
को लुटिँदै छ ?
पोखरा
हाइकु
–रावल कृष्ण
पापी डाँडाले
उनको साथ छुटायो
रुपसकाँडाले ।
(रुपसकाँडा = २०६९ साल पुस २७ गते राति बस दुर्घटना भएको ठाउँ जहाँ ३१ जना यात्रुको ज्यान गएको थियो)
तिमी नहुँदा
आफ्नै मुख बिरानो
आज नधुँदा ।
माझ टारीमा
धान काट्न नआऊ है
मकैबारीमा ।
डाँडामाथि घाम
के प¥यो साइँला दाइ
यस्तो बेला काम ।
पानी झरेन
संविधानको धाराले
कामै गरेन ।
चाफामाण्डौ ४, अछाम
हाइकु
- दिलिप दोषी
ए खारापानी !
भत्काइस् जिन्दगी
शोकको आँसु ।
रातको पीडा
आँखाको भाका बोल्यो
फर्किआएन ।
कस्तो दुर्भाग्य
मेरो भाग्य लुटियो
लौन बचाऊ ।
नीलो आकास
बाजहरुको हुल
खुसी हरायो ।
कस्तो पहिरो
खुसी जिन्दगी आज
उजाड पार्यो ।
पोखरा ८, सिद्धार्थचोक
हाइकु
–चित्रकुमार गुरुङ
मेरो विश्वास
बालुवाको पर्खाल
तिम्रो कसम ।
मन नै त हो
गरिबको सम्पत्ति
कति हो कति ।
असल मित्र
बस्दछ दिलभित्र
कति पवित्र ।
साउने झरी
विधवाको सिउँदो
भिजेको मन ।
मन्को सवारी
हुँइकाउने इच्छा
रित्तो सडक ।
माछापुच्छ«े, कास्की
तिम्रो कसम ।
मन नै त हो
गरिबको सम्पत्ति
कति हो कति ।
असल मित्र
बस्दछ दिलभित्र
कति पवित्र ।
साउने झरी
विधवाको सिउँदो
भिजेको मन ।
मन्को सवारी
हुँइकाउने इच्छा
रित्तो सडक ।
माछापुच्छ«े, कास्की
No comments:
Post a Comment