कविता
ऊ अर्थात् ‘आधुनिक झोले’
- यज्ञराज पौडेल
न त केही पाउनु छ
उसका नेताले केही पाउँदा
यत्तिकै खुसी हुन जानेको छ ।
नेता ओरालो लाउँदा
आफैँले केही गुमाउने त होइन
खै किन हो दु:खी हुन्छ
पार्टीका घोषणापत्र होइन
नेताका भाषण सुनेर उचालिन्छ
र सामाजिक सञ्जालमा
अनायासै विरह पोख्छ ।
ज्ञानको कुरा गर्दा
डिग्रीको सर्टिफिकेट
सुविधाको कुरा गर्दा
हातमा फोर जी इन्टरनेट
आवरण हेर्दा
विकसित पश्चिमा देशको मान्छे जस्तो
बाउ, बाजेभन्दा फरक
तर अझै एक कदम अगाडि छ
बाजेले चौतारीका जमघटमा
बाउले चिया पसलमा
दर्शन छाँटे जस्तो
ख्वामितले पढाएको कथा
र भुटेको बद्धिअनुसार
सामाजिक सञ्जालमा प्रकट हुन्छ
खुसी, उमङ्ग, आवेश, आक्रोश, कुण्ठा र दम्भ पोखेर
र सेलाउँछ लाइक र कमेन्ट गनेर ।
खासमा एक भोटबाहेक
उसको ठुलो औकात छैन
ऊ अर्थात् आधुनिक झोले ।
पोखरा-२५, हेमजा, कास्की
No comments:
Post a Comment