काठमाडौं । वाङ्मय शताब्दी पुरुष सत्यमोहन जोशीको १०३ वर्षको उमेरमा आइतबार (असोज ३० गते) निधन भएको छ ।
किष्ट मेडिकल
कलेजमा केही दिनदेखि उपचाररत जोशीको
आज बिहान निधन भएको हो । स्वास्थ्यमा समस्या देखिएपछि उनी असोज ७ गते किष्ट अस्पतालमा भर्ना भएका थिए । पछिल्लो समय
उनलाई पिसाब संक्रमण, पुरानो छाती तथा मुटुको समस्या साथै डेंगी पनि देखिएको अस्पतालले जनाएको छ ।
को हुन् त सत्यमोहन जोशी ?
- जन्म :- वि.स.१९७७ बैशाख ३० गते बाबु शङ्करराज जोशी र आमा राजकुमारीको सन्तानका रूपमा ललितपुरमा जन्म भएको,
- ३ पटक मदन पुरस्कार प्राप्त गर्ने एक मात्र व्यक्ति । उनले वि. सं. २०१३ सालमा हाम्रो लोक संस्कृति, वि. सं. २०१७ मा नेपाली राष्ट्रिय मुद्रा र वि. सं. २०२८ मा कर्णाली लोक संस्कृति नामक पुस्तकका लागि सो पुरस्कार पाएका,
- वि. सं. २०७१ वैशाख ३० गते त्रिमूर्ति निकेतनले शताब्दी पुरुषको उपाधि दिएको,
- वि. सं. २०७६ भाद्र २४ मा नेपाल सरकारले उनको तस्वीर अङ्कित १००, १००० र २५०० रुपैयाँको मुद्रा निष्कासन गरेको,
- जीवित रहँदै हुलाक टिकट प्रकाशन हुने पहिलो व्यक्ति,
- २०७९ सालको संविधान दिवसमा उनलाई नेपाल सरकारद्वारा राष्ट्र गौरव मानपदवीबाट सम्मानित,
- पुरातत्त्व विभागको निर्देशक,
- अरनिकोबारे जानकारी दिने पहिलो व्यक्ति,
- ई- पासपोर्ट प्राप्त गर्ने पहिलो नेपाली ( २०७८/०८/०१)
![](https://blogger.googleusercontent.com/img/b/R29vZ2xl/AVvXsEjFjWhYzshdnw1bNkpnSWpgeAogzngv7alPbVhNrd_-u4bkUUC8IHI74mVVmhJk0ArCD4GK9FQ8FT-uBldloBWGeuRjloC5nIhZK_pa3Qx_4OPQQ6xa7Cu_b55ED-RBl5Xxv0FzVvUiZf9JglMT6g-YJKZZBO77k4Ep5XYvqs1_j_D7el8su93NaZy9/s16000/satyamohan%20joshi%20%E0%A4%B8%E0%A4%A4%E0%A5%8D%E0%A4%AF%E0%A4%AE%E0%A5%8B%E0%A4%B9%E0%A4%A8%20%E0%A4%9C%E0%A5%8B%E0%A4%B6%E0%A5%80.jpg)
No comments:
Post a Comment